Haydarobodda odam savdosi bilan shug‘ullangan guruh fosh qilindi. Hindistonning Haydarobod shahrida huquqni muhofaza qiluvchi organlar tomonidan o‘tkazilgan tezkor reyd davomida odam savdosi bilan shug‘ullangan jinoiy guruh faoliyatiga barham berildi. Operasiya chog‘ida uch nafar ayol, jumladan O‘zbekiston fuqarosi ham ozod etildi. Tergov ma’lumotlariga ko‘ra, jinoyat sxemasini “Style Maker” go‘zallik saloni sobiq egasi — 36 yoshli Sharif ismli shaxs tashkil etgan. U ishsiz ayollarni yuqori daromadli ish va’dasi bilan jalb qilib, so‘ng ularni jinsiy ekspluatasiyaga majburlagan. Banjara Hills tumanidagi mehmonxonaga uyushtirilgan reydda 5950 rupiy naqd pul, 13 dona mobil telefon va turli vositalar ashyoviy dalil sifatida musodara qilindi. Tashkilotchi, mehmonxona ma’muriyati hamda yetti nafar mijoz qo‘lga olindi. Polisiya vakillarining ma’lum qilishicha, reyd o‘z vaqtida o‘tkazilgani sababli ayollarning keyingi zo‘ravonlik va ekspluatasiyadan himoya qilinishi ta’minlandi. Hozirda barcha ayollar tibbiy kuzatuv ostiga olingan, jinoyat tafsilotlari yuzasidan tergov ishlari davom etmoqda.
Haqiqiy dahshat! Samarqandda erkak homilador xotinini tiriklay ko‘mgani ma’lum bo‘ldi
Toshkent viloyatida hibsxona xodimlari pedofilning qochib ketishiga sharoit yaratganmi?
Toshkentda bo‘lajak kuyov qizni aldab, hovlisini sotib yuborgani yuzasidan rasmiy ma’lumot berildi
