Xitoyda Xitoy va Markaziy Osiyo mamlakatlari o‘rtasidagi XI hamkorlik forumi bo‘lib o‘tdi. China Daily gazetasining yozishicha, forumda munosabatlarni rivojlantirish bo‘yicha yo‘l xaritasi muhokama qilingan va Xitoy mintaqadagi besh davlat bilan o‘zaro manfaatli hamkorlikni chuqurlashtirish va kengaytirish bo‘yicha faol ish olib borishga tayyorligini bildirgan.
Tadbirda Xitoy va Markaziy Osiyo davlatlaridan 300 dan ortiq kishi ishtirok etdi.
Ayni paytda Hindistonda Jammu universiteti Nyu-Dehlining Markaziy Osiyo mintaqasi bilan aloqalariga bag‘ishlangan xavfsizlik bo‘yicha konferensiya tashkil qildi.
Konferensiya ishtirokchilari Markaziy Osiyoning Hindiston iqtisodiyoti va xavfsizligi, mamlakatning madaniy va strategik manfaatlari uchun ahamiyati haqida gapirib, Hindiston va mintaqa o‘rtasidagi qadimiy munosabatlarni tiklash zarurligini ta’kidladilar.