Germaniyada narkotik va psixoaktiv moddalar iste’moli tobora xavotir uyg‘otmoqda. Nemis qaramlik masalalari markazi (DHS) eng katta xavf sifatida krek-kokain (chekiladigan kokain turi) va fentanil kabi sintetik opioidlarning keng tarqalishini ta’kidlamoqda. Shuningdek, alkogol, tamaki va boshqa psixoaktiv moddalar haddan tashqari miqdorda iste’mol qilinmoqda, shu jumladan, hozircha qaramlik rivojlanmagan odamlar orasida ham.
DHS ijrochi direktori Piter Rayzer ma’lum qilishicha, Germaniyada narkotik bilan bog‘liq o‘limlar tarixiy rekord darajaga yetgan, shuningdek, giyohvand moddalar savdosi bilan bog‘liq jinoyatlar soni ortib bormoqda.
Barcha xavotirlarga qaramay, Germaniyada qaramlikka chalingan insonlarga yordam ko‘rsatish uchun ajratiladigan mablag‘ kamaymoqda. Shu sababli ko‘plab maslahat markazlari xizmatlarini qisqartirish yoki umuman yopilishga majbur bo‘lmoqda.
DHS Germaniya hukumatidan qaramlik bilan kurashish uchun ajratiladigan mablag‘ni qonunchilik darajasida kafolatlashni talab qilmoqda, chunki hozircha bu yo‘nalishdagi xizmatlar qonun bilan mustahkamlanmagan.
Ozod etilgan isroillik asirning so‘zlari ko‘pchilikni hayratlantirdi: "Safingizda bo‘lishni istardim"
Zelenskiy prezidentlikdan ketish shartini aytdi
Olimlar shahar kanalizasiya tizimida alligatorlarning ko‘pligini ko‘rib «hayron qolishdi»
