HAMAS rozi bo‘ldi. Isroil esa maktabni portlatdi...

Al Jazeera manbalariga ko‘ra, HAMAS AQShning G‘azoda o‘t ochishni to‘xtatish taklifiga rozilik bildirgan.

Kelishuv loyihasiga ko‘ra, 60 kunlik o‘t ochishni to‘xtatish va ikki bosqichda falastinlik mahbuslar evaziga 10 nafar tirik asir hamda bir necha kishining jasadini ozod qilish ko‘zda tutilgan. Dastlab besh nafar isroillik asir ozod qilinib, qolgan beshi 60-kuni ozod etiladi.

Jinoyatchi Isroil kuchlari G‘azo shahridagi maktabga aylantirilgan boshpanani bombardimon qildi, natijada yong‘in chiqib, kamida 36 falastinlik, shu jumladan bir necha bola halok bo‘ldi. Umuman olganda, dushanba tongi boshlanganidan buyon uyushtirilgan hujumlarda 50 dan ortiq kishi halok bo‘lgan.

AQSh tomonidan qo‘llab-quvvatlanayotgan G‘azoga yordam ko‘rsatish bo‘yicha bahsli guruh rahbari mustaqillik va xolislik borasidagi xavotirlarini aytib, lavozimidan iste’foga chiqdi.

G‘azo Sog‘liqni saqlash vazirligining ma’lumotiga ko‘ra, Isroilning G‘azoga qarshi urushi oqibatida kamida 53 977 falastinlik halok bo‘lgan, 122 966 nafari esa yaralangan. Hukumat matbuot xizmati vayronalar ostida bedarak yo‘qolgan minglab odamlar halok bo‘lgani taxmin qilinayotganini aytib, qurbonlar sonini 61 700 dan ortiq kishiga yetkazdi.