Harbiylar mamlakat prezidenti Umaru Sisoku Embaloni hokimiyatdan ag‘darganini e’lon qildi va barcha siyosiy institutlar, shuningdek, dengiz, havo va quruqlikdagi chegaralarni vaqtincha yopdi. Shuningdek, mamlakatda ijtimoiy tarmoqlar faoliyati cheklandi.
Harbiylarning ma’lum qilishicha, ular “Tartibni tiklash bo‘yicha Oliy harbiy qo‘mondonlik”ni tuzgan va maxsus ko‘rsatma berilgunga qadar Gvineya-Biscauni boshqaradi.
Harbiylar o‘z harakatlarini "saylov natijalarini manipulyasiya qilish va mamlakatni beqarorlashtirish rejasi aniqlangandan so‘ng majburiy chora" sifatida izohlamoqda. Ularning ma’lumotiga ko‘ra, bu rejada ayrim siyosatchilar va narkotik bozorlar vakillari, shuningdek xorijiy shaxslar ishtirok etgan.
23 noyabr kuni mamlakatda prezidentlik va parlament saylovlari bo‘lib o‘tgan, ammo rasmiy natijalar 27 noyabrgacha e’lon qilinishi kutilayotgandi. Ham amaldagi prezident Embalo, ham uning asosiy raqibi Fernandu Diash de Koshta o‘zini g‘olib deb e’lon qilgan, bu esa siyosiy beqarorlikni yanada kuchaytirgan.
Kaspiy dengizi ikkiga ajralishi mumkin
Toshkent viloyati va Toshkent shahrida "erfurushlar" qo‘lga tushdi
AQShning Toshkentdagi elchixonasi e’loni
