Gvardiola Braziliya milliy jamoasini boshqarishi uchun qancha maosh so‘radi?

Braziliya futbol federasiyasi Pep Gvardiolani milliy jamoaga bosh murabbiy etib tayinlashga harakat qilgan.

«Hozir men o‘z nomimdan gapiraman, federasiya nomidan emas. 3 yil oldin bir vise-prezident — hamkasbim bor edi, u Gvardiola bilan Braziliya milliy jamoasida ishlash borasida bog‘langandi.

Gvardiola muzokaralarga ochiq edi, lekin yiliga 24 mln yevro so‘ragan. Buncha maoshni eshitganda, men deyarli yurak xurujiga duchor bo‘ldim», — dedi Braziliya futbol federasiyasi vise-prezidenti Fransisko Novelletto Radio Grenal efirida.