Eron Islom Respublikasining BMTdagi doimiy vakili Amir Said Irvoniy tashkilot bosh kotibiga xat yo‘lladi. Maktubda ta’kidlanishicha, BMT Xavfsizlik Kengashi AQSh prezidenti Donald Trampning Eron yadroviy dasturi bo‘yicha e’lon qilgan bayonotini qoralashi kerak.
Avvalroq, Tramp agar mamlakat yadroviy dastur bo‘yicha kelishuvga rozi bo‘lmasa, Eron bombalanadi, deb bayonot bergandi. Eron bu holatni BMT Nizomining buzilishi deb hisoblashini ma’lum qilgan.
Eronning doimiy vakili BMT Xavfsizlik Kengashining doimiy a’zosi bo‘lgan davlat prezidentining bayonoti har qanday davlatning siyosiy mustaqilligiga qarshi kuch qo‘llash tahdidi haqidagi taqiqni buzayotganiga e’tibor qaratdi.
Hujjatda aytilishicha, Trampning boshqa davlatlar haqidagi mulohazalari xavfli vaziyatni keltirib chiqaradi.
– Xavfsizlik Kengashi AQSh yetakchisining tahdidlarini xalqaro huquq va BMT Nizomining buzilishi sifatida so‘zsiz qoralashi kerak, - deyiladi maktubda.
Diplomatning so‘zlariga ko‘ra, Eron mintaqada tinchlik va barqarorlik tarafdori, biroq Qo‘shma Shtatlar yoki Isroilning har qanday tajovuz yoki hujumiga tez va qat’iy javob qaytaradi.
🔴 BAA sudidan shov-shuvli qaror: o‘zbekistonliklar o‘limga hukm qilindi!
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
AQSh Ukraina bilan urushdan keyin Rossiya uchun yangi reja taklif qiladi
