Bugun 13 avgust, 2020 yil, payshanba

КИР

Gulnora Karimovaning hibs muddati beshinchi marta uzaytirilgani ma’lum qilindi

Gulnora Karimovaning hibs muddati beshinchi marta uzaytirilgani ma’lum qilindi

Gulnora Karimovaning hibs muddati beshinchi marta uzaytirildi, deb xabar qildi o‘zining Instagram sahifasida Imon Karimovaga asoslanib Sof.uz.

Shu bilan birga, Gulnora Karimovaning qizi onasining qamoq jazosi muddati qachon, kim tomonidan va qancha muddatga uzaytirilganligi haqida aniqlik kiritmagan.

"O‘tkazilayotgan tergovning bosh maqsadi - Gulnora Karimovani barcha ehtimoliy iqtisodiy va ijtimoiy muammolarda aybdor qilish", - deb yozadi Imon.

Imonning so‘zlariga ko‘ra, tez orada yangi ma’lumotlar chiqishi kutilyapti.

Eslatib o‘tamiz, joriy yil iyul oyida iman.k17 akkauntida Gulnoraning qamoqda saqlanishi mavzusiga doir ma’lumotlarning chop etilishiga doir savolga javoban Imon Karimova ushbu sahifa haqiqatda o‘ziga tegishli ekanligini, ammo xabarlar boshqalar tomonidan tayyorlanishini ma’lum qilgan edi.

Ma’lumot uchun, O‘zbekiston birinchi prezidentining qizi Gulnora Karimova Jinoyat ishlari bo‘yicha Toshkent viloyati sudining 2017 yil 18 dekabrdagi hukmi bilan 10 yil ozodlikdan mahrum qilish jazosi tayinlangan.

Karimova jazoni o‘tash tartibi va shartlarini qasddan buzganligi sababli jinoyat-ijroiya qonunchiligiga muvofiq, O‘zbekiston IIV Jazoni ijro etish bosh boshqarmasi huzuridagi Probasiya xizmatining taqdimnomasiga asosan, 2019 yil 5 martda jinoyat ishlari bo‘yicha Yashnobod tumani sudi tomonidan unga nisbatan tayinlangan jazoning o‘talmay qolgan muddati ozodlikdan mahrum qilish jazosi bilan almashtirilib, umumiy tartibli koloniyada o‘tashi belgilangan.

Sal oldin Bosh prokuratura Gulnora Karimovaning chet eldagi aktivlarini qaytarish bo‘yicha ishlarni davom ettirayotganini ma’lum qilgan edi.

Bosh prokuratura Gulnora Karimovaning 12 xorijiy mamlakatda jami 1,5 milliard dollar mol-mulki borligini aniqlagan. Shundan eng kattasi qismi – 800 million dollarlik mulk Shveysariyada saqlanadi.

Kiritildi: 14:21 05.12.2019. O'qildi: 5283 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!