Kechadan beri Gruziyaning Batumi shahrida kuchli bo‘ron uylarning tomlarini uchirmoqda, deya xabar beradi Newsreadonline.
Bo‘ron nafaqat shaharni, balki Qora dengiz to‘lqinlarini ham larzaga keltirmoqda. U yerda 5 balli bo‘ron qayd etilgan.
Mahalliy aholining aytishicha, bunday tabiat hodisasi uzoq yillardan beri sodir bo‘lmagan. Havoda tom parchalari, uy-ro‘zg‘or buyumlari va hatto itlar uchib yurishibdi. Bo‘ron shahar infratuzilmasiga zarar yetkazgan, daraxtlarni ildizi bilan qo‘porib tashlagan, tomlar va reklama bannerlarini uchirib ketgan.
Mahalliy hokimiyat Fridon Xalvashi prospektidagi harakatni cheklashga majbur bo‘ldi. U yerda shamol ko‘p yillik evkalipt daraxtlarini qo‘porib tashlagan.
Batumi yaqinidagi Kobuleti shahrining Agmashenebeli ko‘chasida kuchli shamol tufayli avtomobil ustiga daraxt qulab tushdi va ichidagi bir yigit halok bo‘ldi. Ma’lumotni Batumi ichki ishlar vazirligi tasdiqladi. Kuchli shamoldan jabr ko‘rgan boshqa aholi haqida ma’lumot yo‘q.
Sinoptiklar Gruziya g‘arbida bunday ob-havo holati bir necha kun davom etishini taxmin qilmoqda.
Farg‘onada pul berishni va’da qilib, o‘smir bilan jinsiy aloqa qilgan yigit ushlandi
Afg‘onistonda "Tolibon"ning nufuzli amaldori shov-shuvli tarzda o‘ldirildi
Xorazmda bir ayol uyiga mehmon bo‘lib kelgan ayolni o‘ldirib, hovliga ko‘mib yubordi
