Ko‘plab noroziliklarga sabab bo‘lgan qonunda daromadining 20 foizdan ko‘prog‘ini xorijdan oladigan nodavlat notijorat tashkilotlari va ommaviy axborot vositalarini davlat ro‘yxatidan o‘tkazish majburiyati yuklangan. Qonunda qayd etilishicha, xorijiy davlat manfaatlarini ko‘zlovchi tashkilot sifatida ro‘yxatdan o‘tishdan bo‘yin tovlash 25 ming lari (9 ming AQSh dollaridan ortiq) miqdorida jarima solishga sabab bo‘ladi.
Gruziyadagi nohukumat tashkilotlarning aniq soni noma’lum, biroq hukmron “Gruziya orzusi” partiyasi raisi Irakliy Garibashvilining so‘zlariga ko‘ra, bunday tashkilotlar soni uch mingga yaqin bo‘lib, ularning mutlaq ko‘pchiligi xorijiy moliyaviy yordam hisobiga faoliyat yuritadi.
