Gruziyada halokatga uchragan Turkiya Harbiy-havo kuchlariga tegishli samolyotning qora qutisi Anqaraga yetkazildi

11 noyabr kuni Gruziyada halokatga uchragan Turkiya harbiy-havo kuchlarining Lockheed C-130 Hercules harbiy-transport samolyotining qora qutisi Turkiyaga yetkazildi.

Bu haqda Yeni Şafak gazetasi xabar bermoqda.

CNN Türk telekanali xabariga ko‘ra, bortida registrator bor samolyot allaqachon poytaxt Anqaraga qo‘ndi.

12 noyabr kuni Turkiya Milliy mudofaa vazirligi halokatga uchragan samolyot bortidagi barcha 20 nafar harbiy xizmatchi halok bo‘lganini tasdiqladi.