Grizmann Fransiya terma jamoasidagi faoliyatini yakunlaganini e’lon qildi

Madridning "Atletiko" klubi hujumchisi Antuan Grizmann Fransiya termasidagi faoliyatini yakunladi.

"Xotiralarga to‘la yurak bilan hayotimning ushbu bobini yopaman. Ushbu ajoyib uch rangli sarguzasht uchun rahmat va tez orada ko‘rishguncha", – dedi 33 yoshli futbolchi.

Grizmann Fransiya terma jamoasidagi debyutini 2014 yilning mart oyida o‘tkazgan. O‘shandan beri u terma safida 137 o‘yin o‘tkazib, 44 ta gol urgan. U 2018 yilgi jahon chempioni, 2022 yilgi jahon va 2016 yilgi Yevropa vise-chempioni, 2021 yilgi Millatlar Ligasi g‘olibi.