Isroil hukumati shved faoli Greta Tunberg bir guruh tarafdorlari bilan yaxtada G‘azo sektoriga yetib olishga uringanidan keyin deportasiya qildi. Isroil TIV ma’lumotlariga ko‘ra, Tunberg hujjatlarni imzolashdan bosh tortgan va endi sud qarori bilan deportasiya qilinadigan ba’zi hamrohlaridan farqli o‘laroq, ixtiyoriy deportasiyaga rozi bo‘lgan.
E’lon qilingan kadrlarga ko‘ra, 22 yoshli Tunberg Shvesiyaga uchayotgan samolyotda charchagan va asabiylashgan. Isroilda u XAMASga yaqin qarashlarni ilgari surganlikda ayblanib, “antisemit” deb atalgan. Isroil Mudofaa vaziri Isroil Katz Tunberg va uning hamrohlariga 2023-yil 7-oktyabr kuni Xamas hujumi aks etgan suratlarni taqdim etganini, biroq ular rad etishganini aytdi.
Bir hafta oldin Tunberg va bir guruh faollar o‘zlari bilan bir qancha gumanitar yordam olib, Madlin yaxtasida Italiyadan G‘azo qirg‘oqlariga suzib ketishgan edi. Isroil harbiylari kemani to‘xtatib, yuklarni yetkazib berishni o‘z zimmasiga olishni taklif qilgan. O‘sha paytda Tunberg oldindan yozib olingan videoni joylashtirdi, unda u "Isroil armiyasi tomonidan o‘g‘irlab ketilgan" deb da’vo qildi.
"G‘azoga kim haqiqatda yordam bermoqda va kim shunchaki o‘z nafsini oshirmoqda? Greta gumanitar yordam olib kelmadi - u o‘zi olib keldi", dedi Isroil hukumati vakili Devid Mentzer Tunbergning harakatini "Instagram faolligi" deb atagan.
Dahshat! Eron birinchi marta zamonaviy vertikal raketalardan foydalanmoqda
Icroil «Qizil to‘y» operasiyasi doirasida 12 daqiqa ichida Eronning harbiy rahbarlarini yo‘q qildi
Nihoyat! Arab davlatlari Eron — Isroil urushi borasida "tilga kirdi"
