AQShning "Goldman Sachs" banki Malayziyaning 1MDB davlat fondi atrofidagi korrupsiya mojarosi sababli aksiyadorlar tomonidan berilgan jamoaviy da’voni yopishga rozi bo‘ldi. Aksiyadorlar bankni fonddagi firibgarliklardagi ishtirokini yashirganlikda va investorlarni aldaganlikda ayblagan edi.
Manxetten sudiga taqdim etilgan hujjatlarga ko‘ra, tomonlar kelishuvga erishgan va uning shartlari 20 mayga qadar tasdiqlanishi ketilyapti. Malayziyaning 1MDB fondidan 4,5 milliard dollar mablag‘ o‘g‘irlangani aniqlangan bo‘lib, "Goldman Sachs" ushbu fond uchun 6,5 milliard dollarlik qimmatli qog‘ozlarini sotishda vositachilik qilgan va bundan 600 million dollar foyda ko‘rgan.
Avvalroq, 2020 yilda bank ushbu mojaro doirasida AQSh Adliya vazirligi va boshqa organlarga 2,9 milliard dollar jarima to‘lagan edi. Yangi kelishuv bankning aksiyadorlar oldidagi huquqiy nizolarini yakunlashi kutilmoqda.
Tehron Eron kemasini qo‘lga olganidan keyin AQSh harbiy kemalariga hujum qildi
Eron Isroil bilan aloqa qilganligi uchun yuqori lavozimli amaldorni qatl qildi
Eron AQShni “yakuniy jazo” bilan tahdid qildi
