Germaniyaning sobiq vaziri Grenlandiyani 1 trln dollarga sotishni taklif qildi

Davosda AQShning Grenlandiyaga bo‘lgan talablari muhokama qilingan paytda Germaniyaning sobiq vaziri va XSS vakili Piter Gauvayler orolni 1 trln dollarga sotishni taklif qildi, deb xabar beradi BILD.

Piter Gauvayler nashrga bergan intervyusida Kopengagen Donald Trampning bayonotlariga jiddiy qarashi kerakligini ma’lum qildi. U bunday bitim Daniyaga va uning fuqarolariga tarixiy iqtisodiy foyda keltirib, mamlakatni Yevropadagi eng boy mamlakatga aylantirishi mumkinligini ta’kidladi.

Siyosatchi Grenlandiya geografik jihatdan Shimoliy Amerikaning bir qismi ekanini va AQShning milliy xavfsizlik tizimi uchun muhimligini, uning Daniya bilan aloqasi, uning fikricha, mustamlakachilikdan keyingi xususiyatda ekanini qayd etdi.

U orolni Kopengagendan boshqarish anaxronistik ko‘rinishini va zamonaviy Yevropa ma’muriyati prinsiplariga mos kelmasligini ta’kidladi.

Grenlandiyaning qiymatini baholash munozara mavzusi bo‘lib qolmoqda. Ilgari AQSh ma’muriyati bir orol aholisiga taxminan 100 000 dollar, umumiy hisobda taxminan 5 milliard dollar taklif qilgan edi. Ammo, mutaxassislar Germaniyadan 6 barobar katta hududning haqiqiy qiymati 3,7 trillion yevroga yetishi mumkinligini olg‘a surmoqda.

— Daniya ertaga kompensasiyasiz voz kechishi mumkin bo‘lgan vaziyatga bugun ulkan summa olishi mumkin, — deb xulosa qildi Gauvayler.