Germaniya federal prokuraturasi Rossiya razvedkasida ishlaganlikda gumon qilingan uch kishiga qarshi ayblov e’lon qildi. Tergov ma’lumotlariga ko‘ra, ular Germaniyada bo‘lgan Ukraina armiyasining sobiq askarini qidirib topishgan.
Agentlik operasiyadan maqsad uning o‘ldirilishi bo‘lishi mumkinligini istisno qilmaydi. Endi sud jarayoni qachon boshlanishini Frankfurt Oliy mintaqaviy sudi hal qilishi kerak.
Ayblanuvchilar orasida Ukraina, Armaniston va Rossiya fuqarolari bor. Prokuratura ma’lumotlariga ko‘ra, arman 2024-yilning may oyida Rossiya maxsus xizmatlaridan biridan keng ko‘lamli urush boshlanganidan keyin Rossiyaga qarshi jang qilayotgan ukrainalikni kuzatish topshirig‘ini olgan. Buning uchun u ikki gumon qilinayotgan sherikni yollagan.
Ayg‘oqchilar ukrainalik askar bilan Frankfurt markazidagi kafeda uchrashib, u haqida ko‘proq ma’lumot yig‘ishga umid qilishgan. Biroq erkak tahdid haqida polisiyaga oldindan xabar bergan. Shu tufayli uchrashuv bo‘lib o‘tmadi va uch nafar gumonlanuvchi kriminal polisiya xodimlari tomonidan qo‘lga olindi.
Kreml milliardlab topmoqda, Yevropa esa milliardlab sarflamoqda
Ukraina Rossiyaning muhim harbiy ob’ektlariga zarba berdi
Pokiston va Afg‘oniston o‘rtasida qurolli mojaro boshlandi
