Germaniya va Rossiya TIV rahbarlari 2022 yildan beri ilk marta uchrashuv o‘tkazdi

Uchrashuv taxminan 20 daqiqa davom etdi deb xabar bermoqda TASS

Yohann Vadeful va Sergey Lavrov BMT Bosh Assambleyasining 81-sessiyasi doirasida uchrashdi. Rossiyaning TASS davlat axborot agentligi xabariga ko‘ra, uchrashuv "20 daqiqadan sal ko‘proq" davom etgan.

Ikki davlat tashqi ishlar vazirlari so‘nggi marta Rossiyaning Ukrainaga keng ko‘lamli bosqini boshlanishidan oldin, 2022 yil 18 yanvarida uchrashgandi. O‘shanda Germaniya TIVga Annalena Berbok rahbarlik qilar edi.