Germaniya tashqi ishlar vaziri majburiy harbiy xizmatni zudlik bilan joriy etishga chaqirdi

Germaniya tashqi ishlar vaziri Yoxann Vadeful Germaniyada majburiy harbiy xizmatni zudlik bilan qayta joriy etish tarafdori.

Vadeful bu haqda Funke media guruhiga bergan intervyusida ma’lum qilgan.

"Men harbiy xizmatni zudlik bilan joriy etish tarafdoriman", dedi tashqi ishlar vaziri. U bu haqda bir necha bor gapirganini ta’kidladi. "Biroq, biz bu masalani koalisiya doirasida muhokama qilishga majburmiz. Hukumat takliflarni ilgari surdi, endi fraksiyalar muzokara olib, qonun bo‘yicha qaror qabul qilishi kerak. Va, albatta, barcha holatlar hisobga olinishi kerak", - dedi Vadeful.

Bundestag kelasi hafta Germaniyada harbiy xizmatning yangi modeli haqidagi qonun loyihasi bo‘yicha birinchi munozarani boshlashi kutilmoqda. Germaniya Mudofaa vazirligi Bundesverning sonini 260 000 faol xodimlarga va zaxira kuchlarini 200 000 ga oshirishni maqsad qilgan.