Germaniya razvedkasi sobiq rahbari ma’lumotlarni Ozarbayjonga uzatgan bo‘lishi mumkin

Germaniya Federal razvedka xizmati (BND) sobiq rahbari August Xanning xizmatdan ketganidan so‘ng Ozarbayjon razvedkasiga ma’lumot uzatgan bo‘lishi mumkin. Bu haqda Der Spiegel xabar berdi.

Nashr ma’lumotlariga ko‘ra, tergovchilar Xanning BND rahbarligidan ketganidan keyin xorijiy razvedka xizmati xavfsizlik tuzilmasi xodimi uchun tahliliy hisobotlar tayyorlagan bo‘lishi mumkin, deb hisoblamoqda. Ushbu shaxs Ozarbayjon razvedkasi ofiseri bo‘lgan bo‘lishi ehtimoli ham ko‘rib chiqilmoqda.

Xanning 1998–2005 yillarda Germaniya tashqi razvedka xizmatiga rahbarlik qilgan. Davlat xizmatidan ketgach, u xususiy sektorda maslahatchi va lobbist sifatida ishlagan. Shuningdek, Germaniya–Ozarbayjon forumi boshqaruvi a’zosi bo‘lgan.

Avvalroq Germaniya Federal prokuraturasi Xanning josuslikda gumonlanayotganini ma’lum qilgan. U davlatga xiyonat qilishga urinish hamda boshqa davlat manfaatlari yo‘lida maxfiy razvedka faoliyati olib borishda gumon qilinmoqda.

Agar ayblovlar sudda tasdiqlansa, Xanning olti oydan 10 yilgacha ozodlikdan mahrum qilinishi mumkin.