Germaniya kansleri Vengriya bosh vazirining Ukraina mojarosini hal etish bo‘yicha pozisiyasidan noroziligini ma’lum qildi

Olaf Shols bu haqda Yevroittifoqning Budapeshtdagi norasmiy sammiti yakunlari bo‘yicha o‘tkazilgan matbuot anjumanida aytib o‘tdi.

"Men turli pozisiyalar mavjudligini yashirishni xohlamayman. Vengriya bosh vaziri Viktor Orbanning Ukraina yuzasidan bildirgan fikrlari men va Yevropadagi ko‘plab boshqa
do‘stlarimiz ilgari surayotgan nuqtai nazarga mos kelmaydi. Kiyevga yordam ko‘rsatish yuqori ustuvorlikka ega. Ukraina bo‘yicha hech narsa Kiyevning ishtirokisiz hal qilinmasligi kerak", — deya fikr bildirdi Germaniya kansleri.