Germaniya: "Bu, shubhasiz, yaxshi alomat, ammo bu yetarli emas"

Germaniya kansleri Mers Putinning muzokaralar bo‘yicha taklifi haqida "Bu, shubhasiz, yaxshi alomat, ammo bu yetarli emas", dedi.

"Kecha Kiyevda hamkorlarimiz bilan birgalikda muzokaralar uchun imkoniyat yaratish maqsadida 30 kunlik o‘t ochishni to‘xtatishni talab qildik. Ukraina hech qanday shartlarsiz bunga rozi bo‘ldi. Agar endi Rossiya tomoni muzokaralarga tayyorligini bildirsa, bu, albatta, yaxshi alomat. Biroq bu yetarli emas. Biz Moskvadan endi haqiqiy muzokaralar uchun sharoit yaratishi mumkin bo‘lgan o‘t ochishni to‘xtatishga rozi bo‘lishini kutmoqdamiz. Avvalo qurollar ovozi tinishi kerak, shundan so‘ng muzokaralar boshlanishi mumkin."