G‘azo sektoridagi o‘n to‘rt oylik urush isroilliklar uchun og‘ir ijtimoiy-iqtisodiy oqibatlarga olib keldi va mamlakatning ijtimoiy barqarorligiga tahdid soldi.
Bu haqda Isroil OAVlari Latet tashkiloti tomonidan chop etilgan qashshoqlik haqidagi hisobotga tayanib xabar berdi.
Hisobotga ko‘ra, Isroilda 2024 yilda 2 million 756 ming kishi, 678 ming 200 oila va 1 million 240 ming bola qashshoqlikda yashaydi.
Ijtimoiy yordam oluvchilarning 65 foizi va aholining 32,1 foizining iqtisodiy ahvoli so‘nggi bir yil ichida sezilarli darajada yomonlashdi va bir millionga yaqin isroilliklar asosiy to‘lovlarni to‘lashda qiynalmoqda.
Yaqinda nufuzli reyting agentligi S&P Global Ratings Isroil 2024 yilda nol iqtisodiy o‘sishga duch kelishini ma’lum qildi.
S&P shuningdek, mudofaa xarajatlari o‘sishda davom etar ekan, Isroilning budjet taqchilligi ham qisqa, ham o‘rta muddatli istiqbolda oshishini bashorat qilmoqda.
Bu ma’lumotlar G‘azo urushining oqibatlari Isroil iqtisodiyoti va ijtimoiy tuzilmasiga halokatli ta’sir qilishda davom etishini tasdiqlaydi.
Propan narxi tushishda davom etmoqda, benzin esa....
Kelajakda Rossiya yangi hududlarni bosib oladi
Qo‘shma Shtatlar Rossiyaga qarshi bayonot bilan chiqdi
