Isroil armiyasi hutiylar harakatining yaqinda amalga oshirgan raketa va dron hujumlariga javoban Yamanga zarba berish rejalarini ishlab chiqmoqda, deb xabar berdi Isroil telekanali Kan dushanba kuni.
Dushanba kuni hutiy rasmiylari Tel-Aviv yaqinidagi «harbiy nishonga» muvaffaqiyatli gipertovushli ballistik raketa hujumini e’lon qilishdi. Biroq Isroil OAVlari raketa mamlakat havo hududiga kirmasdan oldin urib tushirilganini da’vo qilmoqda.
Isroil armiyasining rejalari, hisobotga ko‘ra, razvedka operasiyalari va zarba berish tizimlarini tayyorlashni o‘z ichiga oladi.
Hutiylarning Isroilga qarshi hujumlari 2023 yilda G‘azo urushi avjida boshlangan. Guruh falastinliklar bilan birdamlikda harakat qilishini aytadi. Husiylar raketa hujumlaridan tashqari, Isroilga bosimni kuchaytirish maqsadida Qizil dengizdagi yuk tashish yo‘laklariga ham hujum qilmoqda.
Isroil armiyasi hutiylarning hujumlarini Eron muvofiqlashtirganini da’vo qilmoqda. Kanning so‘zlariga ko‘ra, Yaman guruhi Isroilning strategik inshootlari, jumladan Ashdod va Hayfa portlari, elektr stansiyalari va gaz platformalariga zarar yetkazmoqchi.
AQSh va ittifoqchilari bunday hujumlarga qarshi kurashish uchun dengiz koalisiyasini tuzdilar, ammo hujumlar hali ham davom etmoqda.
O‘zbekistonga yana qorli sovuq havo kirib kelmoqda
Propan narxi tushishda davom etmoqda, benzin esa....
Ertaga O‘zbekistonda qor yog‘ishi kutilmoqda
