G‘azoda ochlik yana ikki insonning, jumladan bir bolaning hayotiga zomin bo‘ldi

Qamal qilingan G‘azo sektorida so‘nggi 24 soat ichida ochlik va kam ovqatlanish oqibatida yana ikki kishi, jumladan bir nafar bola halok bo‘ldi. Bu haqda Falastin Sog‘liqni saqlash vazirligi ma’lum qildi.

Rahbariyat bergan rasmiy ma’lumotlarga ko‘ra, ochlikdan halok bo‘lganlar soni umumiy 159 nafarga yetdi, shundan 90 nafari bolalardir.

«G‘azodagi ochlik har kuni sukut ichida insonlarni hayotdan olib ketmoqda», — deb yozdi vazirlik Bosh direktori Munir al-Burush ijtimoiy tarmoqdagi sahifasida.

Uning ta’kidlashicha, gumanitar vaziyat har kuni yomonlashib bormoqda. BMT va insonparvar tashkilotlar G‘azoda ochlikni «massoviy halokat xavfi» sifatida baholamoqda.