G‘azoda miyasida snaryad parchasi qolib ketgan olti yoshli qiz og‘ir jarohatlar bilan davolanmoqda

G‘azo sektorida olti yoshli Rasil ismli qiz og‘ir jarohatlar bilan Nosir shifoxonasida davolanmoqda. Uning o‘ng oyog‘i singan, oyoqlari va qo‘lida infeksiyalangan yaralar bor. Shuningdek, miyasida snaryad parchasi qolib ketgan.

Shifokorlar Rasilga yaralarni bitkazish uchun teri ko‘chirib o‘tkazish operasiyasi zarurligini aytmoqda. Biroq yaralar Gazoda mavjud antibiotiklarga ta’sirchan emas. Shu sababli tibbiyot xodimlari yaralarni qayta-qayta ochib, tozalashga majbur bo‘lmoqda. Bu muolaja 20 martadan ortiq amalga oshirilgan.

Qizning otasi Mahmud al-Balaviy shifoxonada uning yonida bo‘lib, tasalli bermoqda.

BBC xabariga ko‘ra, Rasilning holati G‘azoda jarohatlangan bemorlarni davolashdagi qiyinchiliklar va tibbiy resurslar cheklanganini ko‘rsatadi.