G‘azoda Isroil mudofaa kuchlari askari o‘ldi

Isroil mudofaa kuchlari G‘azo sektorida Falastinning XAMAS harakati bo‘linmalariga qarshi olib borilgan jangovar harakatlar chog‘ida bir askar halok bo‘lganini tasdiqladi.

Bu haqda Isroil armiyasi matbuot kotibi ma’lum qildi.

Unga ko‘ra, muhandislik bo‘linmasidan bo‘lgan 25 yoshli katta serjant Abraham Azulai G‘azoning janubiy qismida olib borilgan jangovar harakatlar vaqtida halok bo‘lgan.

Bu ma’lumotlar bilan Yaqin Sharqdagi mojaroning yangi bosqichida halok bo‘lgan isroillik askarlar soni 889 nafarga yetdi.