G‘azo sektorida gumanitar yuk mashinasi ag‘darilib, 20 kishi halok bo‘ldi

G‘azo sektorida oziq-ovqat yuklarini olib ketayotgan gumanitar yuk mashinasi ag‘darilib ketishi oqibatida 20 nafar falastinlik halok bo‘ldi. Hodisa davom etayotgan gumanitar blokada vaqtida yuz bergan.

G‘azo hukumati matbuot bo‘limi tomonidan berilgan bayonotda, Isroil armiyasining mintaqadagi gumanitar inqirozni yanada kuchaytirgan holda gumanitar yordam yetkazilishini cheklashda davom etgani qayd etildi. Xususan, Isroil ocharchilikdan jabr ko‘rgan hududlarga bir necha yuk mashinalari jo‘natib, ularning hayotini xavf ostiga qo‘yayotgani xabar qilingandi.

"Isroil qasddan tartibsizliklar natijasida Dayr al-Balah hududidagi gumanitar yuk mashinasi avval bombalangan, o‘tib bo‘lmaydigan yo‘lga yo‘naltirildi. Avtomashina oziq-ovqat olmoqchi bo‘lgan falastinliklar ustiga ag‘darilib ketdi, natijada 20 kishi halok bo‘ldi, o‘nlab odamlar yaralandi”, — deyiladi bayonotda.

G‘azo sektori rasmiylari Isroilni qasddan 2,4 million odam hayotini xavf ostiga qo‘ygan ocharchilik uyushtirganlikda ayblamoqda. G‘azo ma’muriyati, shuningdek, Isroil oziq-ovqat, dori-darmon va asosiy ehtiyojlar yetkazib berilishiga to‘sqinlik qilayotganini aytadi.

Bayonotda xalqaro hamjamiyat insonparvarlik falokatini kuzatar ekan, sukut saqlagani, shafqatsiz harakatlar haddan tashqari ko‘p ekani alohida ta’kidlanadi.

G‘azo hukumati Birlashgan Millatlar Tashkiloti va xalqaro inson huquqlari tashkilotlarini Isroilning harakatlarini to‘xtatish, gumanitar yordamning to‘siqsiz yetkazilishini ta’minlash va chegara ochiq qolishini ta’minlash uchun zudlik bilan choralar ko‘rishga chaqirdi.

“Beparvolik, jimlik yoki vaziyatga e’tibor bermaslik Isroil tomonidan G‘azo sektorida sodir etilgan jinoyatlarda bevosita yoki bilvosita ishtirok etish bilan barobar”, – deydi mahalliy hokimiyat.