G‘azo sektori markazida Isroil zarbasi oqibatida sakkiz nafar polisiyachi halok bo‘ldi

G‘azo sektorining markaziy qismida Isroil tomonidan berilgan zarba oqibatida Falastin polisiyasining sakkiz nafar xodimi halok bo‘ldi. Bu haqda G‘azo Ichki ishlar vazirligi ma’lum qildi.

«Falastin polisiyasining sakkiz nafar xodimi, jumladan, markaziy hudud polisiya qo‘mondoni halok bo‘ldi», — deya idora bayonotidan iqtibos keltirmoqda RIA Novosti.

Ichki ishlar vazirligi ma’lumotlariga ko‘ra, zarba Az-Zavayda tumanidagi xizmat avtomobiliga berilgan.