G20 xavfsizlik va iqtisodiyot sohalaridagi global inqirozlar bilan kurasha olmayapti

G20 xavfsizlik va iqtisodiyot sohalaridagi global inqirozlar bilan kurasha olmayapti, bu esa uning mavjudligini xavf ostiga qo‘ymoqda — Emmanuel Makron.

Fransiya prezidenti bu haqda bugun Janubiy Afrika Respublikasining Yoxannesburg shahrida bo‘lib o‘tayotgan “Katta yigirmalik” sammitida so‘z ochdi.

Makronning aytishicha, norasmiy xalqaro klub "o‘z siklini yakunlash arafasiga kelgan" bo‘lishi mumkin. Siyosatchi G20 a’zolari yirik inqirozlarni hal qilishda qiyinchilikka duch kelayotganini va geosiyosiy sohada yagona standart belgilashning mushkulligini tan olgan.

"Biz aniq javoblar ola bilmasak, G20 o‘z mavjudligining ma’nosini yo‘qotishi xavfi bor", — dedi Fransiya prezidenti.