Fransiyalik futbol afsonasining uyiga o‘g‘ri tushdi

Fransiya terma jamoasining sobiq futbolchisi Mishel Platini 18 iyul kuni ertalab o‘g‘rilar hujumiga uchradi. Bu haqda RTL portali xabar bermoqda.

Erta tongda Platini bog‘idagi shovqindan uyg‘onib ketdi. U paydo bo‘lishi bilan o‘g‘ri uy yaqinidagi omborxonada saqlanayotgan 20 ga yaqin medal va sovrinlarni olib, darhol g‘oyib bo‘lgan. Marsel prokuraturasi allaqachon tergov boshlagan, yetkazilgan zarar miqdori aniqlashtirilmoqda.

Platini 1976 yildan 1986 yilgacha Fransiya terma jamoasida o‘ynagan. Bu vaqt ichida u Yevropa chempioni va jahon chempionatining bronza medali sovrindori bo‘ldi. 2007 yildan 2015 yilgacha Platini UEFA prezidenti bo‘lgan. Keyin u korrupsiyada ayblanib, muddatidan oldin lavozimini tark etgan.