Isroil bosh prokurori Gali Baxarav-Miara polisiyaga poraxo‘rlik, firibgarlik va ishonchni suiiste’mol qilishda gumonlanayotgan Ijtimoiy tenglik vaziri Mey Golanga nisbatan tergov ochishni buyurdi.
Bu haqda The Times of Israel nashri xabar berdi.
Vazirni tergov qilish buyrug‘i 2025 yil boshida u o‘zi asos solgan notijorat tashkiloti uchun shubhali mablag‘ yig‘ish bilan shug‘ullangani va uning idorasida qarindosh-urug‘chilik avj olgani haqidagi tergov hisoboti e’lon qilinganidan keyin berilgan.
Xabarda aytilishicha, Golan o‘z idorasida sheriklarining qarindoshlari yoki nufuzli hamkasblari bo‘lgan bir necha kishini ishga olgan. Ulardan ba’zilari hech qanday haqiqiy ish qilmagan.
Ular orasida itlarni parvarish qilish bilan shug‘ullanadigan, ammo Golan ofisining to‘liq vaqtli xodimi sifatida ro‘yxatga olingan uzoq yillik yuridik maslahatchining rafiqasi ham bor edi. Advokatning o‘ziga hech qachon topshirilmagan yuridik hujjatlarni tayyorlash uchun minglab shekellar to‘langan.
Mashhur bloger Abduroziq Dubay aeroportida hibsga olindi
“UzAuto Motors” yangi to‘lov shartlarini e’lon qildi
Cobalt narxi Rossiyada qancha?
