Fransiya va Isroil o‘rtasidagi diplomatik munosabatlar prezident Emmanuel Makronning Isroilga qurol yetkazib berishni to‘xtatish zarurligi haqidagi bayonotlaridan keyin yomonlashdi.
«Menimcha, bugungi kunda ustuvor vazifa siyosiy yechimga qaytish, G‘azodagi janglar uchun qurol-yarog‘ yetkazib berishni to‘xtatishdir», deb ta’kidladi Makron bir kun avval France Inter radiosiga bergan intervyusida.
Fransiyalik jurnalistning G‘azodagi janglarda qo‘llanilgan qurol-yarog‘ yetkazib berishni to‘xtatish zarurligi haqidagi xabar kimga yo‘llangani haqidagi savoliga Emmanuel Makron Isroil bosh vazirining Livanda quruqlikdagi operasiyalarni boshlash qaroridan afsusda ekanligini aytdi.
Prezident Bayden va men Livan va Isroil tomonlari bilan yakuniy tasdiqlash uchun muhokama qilingan sulh bitimi matnini tasdiqladik. Bosh vazir Netanyaxu boshqacha tanlov qilgani va Livan tuprog‘idagi quruqlikdagi operasiyalar uchun mas’uliyatni o‘z zimmasiga olganidan afsusdaman.
— dedi Makron shanba kuni Fransiya shimolidagi Villers-Kotteretsda yakunlangan 19-frankofoniya sammitida.
19-frankofoniya sammitining 88 nafar ishtirokchisi Livanda «zudlik bilan» o‘t ochishni to‘xtatishga chaqirdi. Makron Livanni qo‘llab-quvvatlash bo‘yicha xalqaro konferensiya o‘tkazish rejasini ma’lum qildi.
Isroil Bosh vaziri Binyamin Netanyaxu Fransiya prezidentining bu so‘zlariga keskin munosabat bildirib, ularni «sharmandalik» deb atadi.
Isroil Eron boshchiligidagi vahshiylik kuchlariga qarshi kurashayotgan bir paytda, barcha tsivilizasiyalashgan davlatlar uning yonida qattiq turishlari kerak. Biroq prezident Makron va boshqa G‘arb yetakchilari hozir Isroilga qurol embargosi joriy etishga chaqirmoqda, - Netanyaxu jahl bilan javob berdi.
Qozog‘iston Rossiya, Xitoy, Turkiya va Markaziy Osiyo davlatlarini ortda qoldirdi
Ukraina beshta shaharni yo‘qotish xavfi ostida
Turkiya, Eron, Rossiya, Qatar, Misr, Iordaniya va boshqa davlatlar Suriya bo‘yicha qo‘shma bayonot berdi
