“Formula-1” poygasi O‘zbekistonda o‘tkazilishi mumkin

O‘zbekiston “Formula-1” poygasining ayrim bosqichlarini o‘z hududida o‘tkazish imkoniyatini ko‘rib chiqmoqda.

Bu haqda taniqli britaniyalik jurnalist Jo Seyvard xabar berdi.

Unga ko‘ra, O‘zbekiston vakili Singapurda bo‘lib o‘tgan Gran-priga tashrif buyurgan va poyga davomida “Formula-1” poygasining ayrim bosqichlarini Toshkent va mamlakatning boshqa yirik shaharlarida o‘tkazish imkoniyatlarini muhokama qilgan.

– Poyga Tailand, Janubiy Koreya va O‘zbekistonda o‘tkazilishi mumkin. Bu esa ushbu mamlakatlarda avtosportga qiziqish ortib borayotganidan dalolat beradi, – dedi Jo Seyvard.