Flydubai reysi voqeasi Eronga qarshi «soxta bayroq» operasiyasi sifatida talqin qilindi

«Tasnim» nashri Flydubai aviakompaniyasi reysi bilan bog‘liq voqeani Eronga qarshi ayblovlar uchun «soxta bayroq» operasiyasi sifatida talqin qildi.

Nashrning da’vo qilishicha, Isroil bosh vaziri Binyamin Netanyaxu Eronni terrorizmda ayblash va unga qarshi harbiy harakatlar uchun bahona yaratish maqsadida shunday ssenariylardan foydalanishi mumkin.

Xabarda Flydubai samolyoti ikkinchi uchuvchisi avval Ummondan radikal diniy qarashlari sabab chiqarib yuborilgani, keyin esa BAAdan Isroilga parvoz qilgani haqidagi versiya keltirilgan.

Biroq «Tasnim»ning o‘zi ham ushbu versiyani tasdiqlangan fakt sifatida emas, balki qarama-qarshi va bahsli talqin sifatida keltirgan. Ayni paytda mazkur da’volarni tasdiqlovchi mustaqil dalillar taqdim etilmagan.