Flik "Barselona" futbolchilarini ogohlantirgandi

"Barselona" bosh murabbiyi Xans-Diter Flik jamoaning avgust oyidagi o‘yinlaridan qoniqmagan edi.

Futbol bo‘yicha La Liganing 4-turida Kataloniya grandi 14 sentyabr, yakshanba kuni "Valensiya"ni mag‘lub etdi (6:0). Nemis mutaxassisi o‘yinchilarning o‘yinini yuqori baholadi, ammo oldingi uchrashuvlar haqida bunday deb bo‘lmasdi. Sport xabariga ko‘ra, murabbiy terma jamoalar o‘yinlari oldidan futbolchilarni ogohlantirgan. Mutaxassis chempionatning dastlabki uchta turida, jumladan, "Rayo Valyekano"ga qarshi kechgan uchrashuvda (1:1) ko‘rsatilgan o‘yin saviyasidan qoniqmaganiga ishora qildi.

"Barselona" turnir jadvalida o‘n ochko bilan ikkinchi o‘rinda bormoqda va faqat 12 ochko jamg‘argan "Real"dan ortda qolmoqda.