Slovakiya bosh vaziri Robert Fiso Vladimir Zelenskiyning 9 may kuni Moskvada bo‘lib o‘tadigan G‘alabaning 80 yilligiga bag‘ishlangan tantana ishtirokchilariga tahdidlar bo‘lishi mumkinligi haqidagi bayonotini rad etib, uning so‘zlarini kulgili deb atadi. Bu haqda "TASS" xabar bermoqda.
Fiso bayramlarda ishtirok etish niyatini tasdiqlab, ishtirokchilar xavfsizligi Rossiya zimmasida ekanligini ta’kidladi. Shuningdek, u xorijiy delegasiyalar Moskvaga kelmaydi, deb o‘ylagan kishi adashadi, deb ta’kidladi.
Fiso delegasiyasi tarkibiga Milliy kengash va Yevropa parlamenti a’zolari hamda ikki nafar talaba kiradi. Bosh vazir Ukrainadagi mojaroni tezroq hal qilishga chaqirib, uning cho‘zilib ketishidan xavotir bildirdi. U buni Ukrainaning AQSh bilan tuzilgan foydali qazilmalari bo‘yicha kelishuvi bilan bog‘lab, bu urush uzoq vaqt davom etishi va hatto keskinlikning kuchayishiga olib kelishi mumkinligini ko‘rsatishini ta’kidladi. Fiso, shuningdek, Ukrainaning Rossiyaning bayramlar chog‘ida o‘t ochishni to‘xtatish haqidagi taklifini rad etganidan afsusda ekanligini bildirdi.
U, shuningdek, Yevropa Ittifoqi davlatlarining mudofaa xarajatlarini oshirish rejalarini tanqid qilib, bu mablag‘larni muhim iqtisodiy dasturlarni amalga oshirish, xususan, Amerika tariflaridan aziyat chekayotgan avtomobil sanoatini qo‘llab-quvvatlash uchun ishlatishni taklif qildi.
O‘zbekiston Rossiya elchisini chaqirtirdi
Hindistonlik talaba Toshkent tibbiyot akademiyasidan norozi bo‘ldi
Fransiya Rossiya G‘alaba bayramiga taklif qilinmaganidan g‘azablandi
