Finlyandiya Ukraina uchun yangi kamikadze dron ishlab chiqardi

Finlyandiyaning Insta mudofaa kompaniyasi yangi kamikadze dronini yaratdi. Bu haqda ishlab chiqaruvchi xabar bermoqda.

"Insta dron va patentlangan portlovchi zaryad birikmasining yangi, samaraliroq versiyasini ishlab chiqdi", — deyiladi xabarda.

Kompaniyaning ta’kidlashicha, Insta Steel Eagle nomini olgan kamikadze dronining pastki qismiga zaryad o‘rnatilgan. U havo orqali nishonga yetkaziladi, u yerda portlaydi.

Ishlab chiqaruvchining ta’kidlashicha, og‘irligi taxminan 3,6 kg bo‘lgan zaryad tarkibida po‘lat yoki volfram sharlari mavjud bo‘lib, ularning bo‘laklari taxminan ikki ming kvadrat metr maydonda ucha oladi.

Hozircha yangi turdagi dron faqat Ukrainada mavjud, biroq kelajakda u Yevropa va NATO mamlakatlarida sotiladi, deya qo‘shimcha qildi Insta.