Finlyandiya Germaniyaning Dynamit Nobel Defence kompaniyasi bilan 84,5 million yevro qiymatida shartnoma tuzdi. Kompaniya Isroilning Rafael Advanced Defense Systems mudofaa konserniga kiradi.
Shartnoma doirasida Finlyandiya armiyasi bronetexnikani nishonga olish uchun mo‘ljallangan RGW110 tankka qarshi tizimlarini oladi.
Yangi qurollar Finlyandiya armiyasida 1980-yillardan beri qo‘llanib kelinayotgan Fransiyaning APILAS tankka qarshi majmualarini almashtiradi.
Qurol-yarog‘ va o‘quv jihozlarini yetkazib berish, shuningdek, harbiy xizmatchilarni tayyorlash ishlari 2027 yildan boshlanadi.
RGW110 — Isroil armiyasida «Matador» nomi bilan ma’lum bo‘lgan RGW90 tizimining takomillashtirilgan versiyasi. Nomidagi «110» raqami o‘q-dorining 110 millimetrlik kalibrini anglatadi.
Bu xarid Rossiya bilan chegaradosh davlatlarning mudofaa salohiyatini kuchaytirish jarayoni davom etayotganini ham ko‘rsatadi.
O‘zbekistonda keskin sovuq va kuchli yog‘ingarchilik kutilmoqda
Erkinjon Turdimov beshta rektorni ishdan bo‘shatdi
Evropa Ukraina mojarosida Rossiya g‘alabasini anglamoqda
