Filippinda yirik korrupsiya mojarosi sabab minglab odamlar norozilik namoyishiga chiqdi

Bu haqda The Guardian xabar bermoqda.

Nashrning xabar berishicha, Filippin byudjetida taxminan 17,6 milliard dollarlik kamomad aniqlangan. Mamlakat moliya vaziri esa korrupsiya tufayli infratuzilma uchun ajratilgan mablag‘larining 70 foizigacha qismi “eb yuborilayotgani”ni bildirgan.

Bu xabardan so‘ng minglab talabalar va muxolifat vakillari norozilik namoyishiga chiqishdi. Namoyishlar polisiya bilan to‘qnashuvlarga aylanib ketdi. Miting ishtirokchilari ko‘chalarda shinalarni yoqdi, polisiyachilarga tosh va shisha idishlar uloqtirdi.

Ma’lumotlarga ko‘ra, taxminan 40 nafar polisiyachi jarohat olgan, 17 nafar namoyishchi hibsga olingan.