FIFA Qatardagi jahon chempionati o‘yinlari davomida stadionlarda pivo sotilishi taqiqlanganini rasman tasdiqladi.
«Mezbon mamlakat hukumati bilan o‘tkazilgan muzokaralardan keyin FIFA spirtli ichimliklar savdosini fan-zona, muxlislar gavjum joylar va lisenziya asosida faoliyat yuritadigan ochiq maydonlarda tashkil etishga qaror qilindi. Stadionlardagi pivo sotish nuqtalari olib tashlanadi. Bu taqiq stadionlardagi alkogolsiz pivo sotuviga ta’sir qilmaydi», - deyiladi FIFA xabarida.
Ma’lumot uchun, Qatarda jamoat joylarida spirtli ichimliklar iste’mol qilish qat’iyan man etilgan. Faqat mehmonxonalarda alkogol mahsulotlari sotuviga ruxsat berilgan.