Falastinlik mahbus Isroil qamoqxonasidagi dahshatlarni so‘zlab berdi

So‘nggi marta ozod qilingan falastinlik mahbuslar guruhi bilan G‘azoning Xon Yunis shahriga kelgan Muhammad Abu Amsha qamoqxonada kuniga atigi bir marta "juda yomon" ovqat berilganini va oyda bir marta yuvinishga ruxsat berilganini aytdi.

"Ular bizni doim kaltaklashar va tahqir qilishardi. Bemorlar hech qanday tibbiy muolaja olishmadi. Qamoqxonada teri kasalliklari juda ko‘p edi va biz hibsga olingan kunimizdan boshlab kiyim almashtirishga imkon topmadik," – dedi u Al-Jazeeraʼga.