Yaqin yillarda Rossiya qurilishlariga asosiy ishchi kuchi yetkazib beruvchisi Hindiston bo‘lishi mumkin. Bu haqda RIA Novosti "Intrud" kompaniyasi boshqaruvchi direktori va hamta’sischisi Dmitriy Lapshinovning ma’lumotiga asoslanib xabar bermoqda.
Mutaxassisning fikricha, hindistonlik ishchilar O‘zbekiston, Tojikiston va Qirg‘izistondan kelgan mehnat muhojirlarining o‘rnini egallashi mumkin. Lapshinov ta’kidlashicha, so‘nggi paytlarda o‘zbekistonliklar uchun Rossiya bozorining jozibadorligi pasaygan, chunki ularning o‘z vatanida iqtisodiyot va qurilish sohasi jadal rivojlanmoqda.
"Qirg‘izistonda qurilish ishlari avj oldi, Rossiyada esa Tojikiston fuqarolarini jalb etishda huquq-tartibot idoralari tomonidan qiyinchiliklar yuzaga kelmoqda," - deya qo‘shimcha qildi u.
Yanvar oyi oxirida Sankt-Peterburgdagi polisiya bo‘limlariga qurilish maydonlari bo‘ylab o‘tkazilgan reydlardan so‘ng 100 dan ortiq mehnat muhojiri olib kelingani ma’lum qilingan edi.
Rossiya va Ukraina kelishuvga erishdi
Navro‘zda O‘zbekiston aholisi necha kun dam oladi?
Shimoliy Koreya 1,5 milliard dollar o‘g‘irlab, dunyodagi eng yirik talon-tarojni amalga oshirdi
