Amerika gazetasi "New York Times" AQSh prezidenti Donald Tramp jamoasi Ukraina bo‘yicha kelishuvni tayyorlashda duch kelgan vaziyatlar haqida ma’lumot berdi.
Nashrga ismini oshkor qilmagan ukrainalik amaldorning aytishicha, Tramp jamoasi Ukraina resurslari bo‘yicha kelishuvdan xavfsizlik kafolatlarini chiqarib tashlashga uringan. Biroq, bitimning keyingi variantlarida bu ta’riflar baribir saqlab qolingan.
"Tramp ma’muriyatining muzokarachilari dastlabki loyihalardan xavfsizlik kafolatlari iborasini chiqarib tashlashga qattiq urinishdi va bu iboralar foydali qazilmalarga bo‘lgan huquqlar bo‘yicha muzokaralar doirasidan ancha chetga chiqishini ta’kidladilar," - dedi u.
Nashr suhbatdoshi yana shuni qo‘shimcha qildiki, qo‘shilgan ta’rif AQShning Ukrainaga o‘z xavfsizlik kafolatlarini berishini anglatadimi yoki Kiyev Yevropa davlatlaridan harbiylarni qabul qilishi kerakligini bildiradimi, hozircha noma’lum. "New York Times" shuningdek, hujjatdagi ta’rif "tushunarsiz" ekanligini va u aniq majburiyatlarni ko‘rsatmasligini ta’kidlaydi.
Rossiya va Ukraina kelishuvga erishdi
Dunyo aholisi eng ko‘p bo‘lgan mamlakatlardan biri: Rossiyadan ko‘p aholisi bor, ammo maydoni 115 marta kichik
Rubl qimmatladi, dollar "qulash"da davom etmoqda
