Falastin terma jamoasi sobiq hujumchisi Isroil hujumida vafot etdi

Falastin terma jamoasining sobiq futbolchisi Isroil hujumi oqibatida halok bo‘ldi.

"Isroil bosqinchi kuchlari chorshanba kuni G‘azo sektori janubida gumanitar yordam kutayotgan odamlarga zarba berganidan keyin Sulaymon al-Obeyd shahid bo‘ldi," - deyiladi Falastin futbol assosiasiyasi matbuot xizmati xabarida.

41 yoshli Sulaymonning turmush o‘rtog‘i, ikki o‘g‘li va uch qizi tirik qoldi.

Al-Obeyd faoliyati davomida Falastin chempionatida o‘ynagan, terma jamoa safida 24 ta o‘yin o‘tkazib, ikkita gol urgan. Uning hisobida professional faoliyatida 100 dan ortiq gol bor.