O‘zbekiston milliy jamoasi bosh murabbiyi Fabio Kannavaro o‘z Instagram sahifasida Jahon chempionati-2026 qur’asiga munosabat bildirdi.
«Biz va qolganlar. Vashington shahrida bo‘lib o‘tgan Jahon Chempionati qur’asi jarayonida mening boshimda faqat bitta fikr bor edi — O‘zbekiston.
Raqiblarimiz nomlari e’lon qilinmasidan oldin men o‘zimiz haqimizda o‘yladim. Qur’a tashlanayotganda ham o‘z haqimizda o‘yladim. Qur’a natijalari ma’lum bo‘lgach ham, yana o‘z haqimizda o‘yladim.
Chunki bu — Jahon chempionatidagi ilk ishtirokimiz bo‘ladi. Biz esa har bir kuch-quvvat, har bir imkoniyatdan unumli foydalanib, O‘zbekiston xalqini faxrlantira oladigan jamoa bo‘lishimiz kerak.
Biz Portugaliya, Kolumbiya va uchinchi raqib — Yangi Kaledoniya, Yamayka yoki Kongo bo‘lishidan qat’i nazar — barchaga hurmat bilan yondashamiz. Lekin eng avvalo, biz o‘zimizga va o‘z muxlislarimizga nisbatan katta hurmat bilan maydonga tushamiz.
Hisoblagich ishga tushdi», - deb yozdi italiyalik mashhur mutaxassis.
O‘zbekiston K guruhida Portugaliya, Kolumbiya va Kongo/Yangi Kaledoniya/Yamayka bilan guruhdan chiqish uchun kurashadi.
Serxio Ramos o‘zini «Real»ga taklif qildi. Madridliklarning bu taklifga javobi aniq
Yurgen Klopp "Real"ga qanday talablar qo‘ygani ma’lum bo‘ldi
"Neftchi"ga chempionlik sari yetaklagan murabbiy ishsiz qoldi
