Evroparlament Rossiyaga nisbatan yangi qat’iy choralarni talab qildi

Evroparlament Yevropa Ittifoqi mamlakatlarini Rossiya samolyotlarini o‘z havo hududida urib tushirishga chaqiruvchi rezolyusiyani qabul qildi.

Hujjatda YEI davlatlariga Rossiya harbiy aviatexnikasiga nisbatan “qat’iy javob choralari”ni ko‘rish tavsiya etilgan.

Shuningdek, Yevroparlament Rossiyaning muzlatilgan aktivlarini (280 mlrd yevro atrofida) Ukrainaga kredit berish uchun garov sifatida ishlatish taklifini ilgari surgan.

Rezolyusiya majburiy kuchga ega emas, ammo u Yevropa Ittifoqi mamlakatlariga Rossiyaga nisbatan yangi bosim choralarini ko‘rib chiqish uchun siyosiy signal sifatida qabul qilinmoqda.