Ijtimoiy tarmoqlarda tarqalgan “metan zapravkalarga limit qo‘yilmoqda” mazmunidagi xabarlar yuzasidan “Hududgazta’minot” AJ matbuot xizmati ma’lumot berdi.
Qayd etilishicha, bu ma’lumotlar mutlaqo asossiz.
“Kuz-qish mavsumiga tayyorgarlik doirasida gaz ta’minoti tizimidagi ayrim gaz taqsimlash stansiyalarida texnik-profilaktika ishlari amalga oshirilgan. Ta’mirlash ishlari olib borilgan vaqtda gaz bosimi pasaygani sababli ayrim metan zapravkalar faoliyatida qisqa muddatli uzilishlar kuzatilgan”, deyiladi “Hududgazta’minot” AJ xabarida.
Ta’kidlanishicha, hozirda respublika bo‘yicha metan “zapravka”lar belgilangan tartibda faoliyat yuritmoqda. Tabiiy gaz ularga gaz ta’minoti korxonalari bilan tuzilgan shartnomalar asosida yetkazib berilmoqda.
“Shu bilan birga, ijtimoiy tarmoqlarda yolg‘on yoki tekshirilmagan ma’lumotlarni tarqatish orqali aholi orasida sarosima va shubha uyg‘otish holatlari qonun bilan taqiqlangani hamda bunday xatti-harakatlar uchun javobgarlik belgilangani eslatib o‘tiladi”, deyiladi xabarga qo‘shimcha ravishda.
«Jahannam Najoti» Turkiyada qo‘lga olindi
Bu Yevropa emas, Tehron ko‘chalari: eronlik ayollar ko‘chaga majburiy hijobsiz chiqishmoqda (video)
Yirik asteroid Oy bilan to‘qnashdi (video)
