Evropa Ittifoqi "X" ijtimoiy tarmog‘ini 1 milliard dollardan ortiq jarimaga tortilishi mumkin

Evropa regulyatorlari Ilon Maskga tegishli X ijtimoiy tarmog‘iga 1 milliard dollardan ortiq miqdorda jarima solish imkoniyatini ko‘rib chiqmoqda.

Bu haqda The New York Times xabar berdi.

Evropa Ittifoqi bu yozda "X"ga qarshi choralarni e’lon qilishi kutilmoqda. Regulyatorlar, The New York Times yozganidek, agar shunday yuqori jarima solinsa, bu boshqa kompaniyalarni ikki marta o‘ylashga majbur qiladi, deb umid qilmoqda. Gazetaning yozishicha, agar ijtimoiy tarmoq Bryusseldan talab qilinadigan o‘zgarishlarga rozi bo‘lsa, YEI va X hali ham kelishuvga erishishi mumkin.

Bundan tashqari, Yevropa Ittifoqi "X"ga nisbatan navbatdagi tekshiruv o‘tkazmoqda. Qayd etilishicha, uning doirasida "X" foydalanuvchi kontentiga aralashmasligi sababli ijtimoiy tarmoq YEIda nafrat va dezinformasiya markazi sifatida qaralmoqda.

EIda "X"ga nisbatan tergov 2023 yil dekabrida boshlangan. Yevrokomissiya kompaniyani internet-resurslar operatorlarini Yevropa Ittifoqida taqiqlangan deb belgilangan kontentni sud qarorlarisiz olib tashlash majburiyatini qo‘ygan raqamli xizmatlar (DSA) to‘g‘risidagi qonunni buzganlikda gumon qilmoqda.