Evropa Ittifoqi Rossiyaning 10 nafar xodimiga nisbatan sanksiyalar kiritdi

Evropa Ittifoqi Rossiya huquq-tartibot va adliya organlarining 10 nafar xodimiga nisbatan sanksiyalar kiritdi.

Ularning barchasi inson huquqlarini buzganlik uchun Yevropa Ittifoqining sanksiyalar ro‘yxatiga kiritilgan.

Farmonga ko‘ra, Rossiya jazoni ijro etish tizimining to‘rt nafar xodimi va Rossiya adliya organlarining olti nafar vakiliga nisbatan cheklov choralari qo‘llanilmoqda.

"Ro‘yxatga kiritilgan jismoniy shaxslarning aktivlari muzlatib qo‘yiladi, Yevropa Ittifoqi fuqarolari va kompaniyalariga ularga mablag‘ berish taqiqlanadi. Shuningdek, jismoniy shaxslarga Yevropa Ittifoqi hududiga kirish yoki tranzitdan o‘tish taqiqlanadi", — deyiladi bayonotda.