Estoniya Aleksandr Lukashenkoning mamlakatga kirishini butunlay taqiqladi

Bu haqda ERR telekanali ma’lum qildi.

Telekanalning xabar berishicha, Estoniya hukumati Belarusning 273 nafar fuqarosiga, jumladan Aleksandr Lukashenkoga, mamlakatga kirishni butunlay taqiqlash to‘g‘risida qaror chiqardi. Taqiq yuqori martabali mansabdorlar, sudyalar, kuch ishlatar tuzilmalar vakillari va tashviotchilatni o‘z ichiga oladi.

Estoniya Lukashenko va boshqa sanksiya ro‘yxatidagi shaxslarga nisbatan cheklovlarni ilk bor 2020 yilda, Belarusdagi prezidentlik saylovlaridan keyingi norozilik namoyishlari fonida joriy qilgan edi. Keyingi yillarda bu sanksiyalar bir necha bor uzaytirilgan, ammo ilgari ular ma’lum muddat bilan cheklangan edi.